O Antigo Hospital do Espíritu Santo
Ler en Galego Leer en Castellano
A actual torre do
reloxo, construida no ano 1786 e un dos principais emblemas e símbolos da vila
de Neda, agocha no seu interior un pasado ainda máis lonxevo e importante: o
antigo Hospital do Espíritu Santo, lugar polo que pasarían miles de peregrins
dende o século XVI no seu camiño cara Santiago ou tamén no seu caso en busca do
pico de San Andrés de Teixido.
¿Cando e por qué fúndase o antigo hospital?
Nesta ocasión
viaxaremos a Neda de comezos do século XVI, intersección de camiños e punto
estratéxico de toda a comarca. Os señores Pedro García e Margarita Fernández
foron os impulsores no ano 1500 de este centro onde se atendía tanto a enfermos
como a peregrinos. Podemos apreciar nunha inscripción do dintel frontal que
presidia a antiga capilla:
“ESTE
ESPYTAL DE SANTE ESPYRITUS FEZO PERO GARCIA E MARGARYDA FERNANDEZ ANO MD”.
Pero ademais de
estos benefactores, foron moitos os nobles e xentes do lugar que decidiron
aportar tanto rentas como bens para que o hospital tivera por conseguinte todo
o que precisase.
Fonte: recursosparaelcamino.blogspot.com.es |
Orde hospitalaria do Sancti Spiritus
Esta orden
relixiosa masculina, fundada a comezos do século XII en Francia por Guido de
Montpellier, foi a encargada de expandir por todo o mundo a idea de estes
hospitais de peregrinos. Dita labor prolongouse no tempo ata aproximadamente o
século XIX, cando desaparece a súa presencia no noso país por mor das
desamortizacións.
Malia iso, este non
era o caso do hospital nedense, sendo nomeado en honor do Espíritu Santo e
desta orden, pero non fundada directamente pola mesma. Tamén existiron este
tipo de hospitais en Ferrol, Betanzos e Pontedeume, vilas polas que tamén
pasaba o Camiño Inglés.
|
Máis de catro séculos en pé
Grazas as actas de
defunción do Concello como as referencias testamentais que chegaron ata a nosa
época podemos atestiguar como este hospital funcionou como tal ata ben entrado
o século XIX. Será a mediados de este século cando a decadencia do mesmo
comeza a ser visible ante a falta de fondos.
Tras pasar por innumerables mans a institución disólvese a petición do concello para instalar nas súas
dependencias as coñecidas como Escolas de Institución Primaria de ambos sexos
no ano 1892. Finalmente será en 1934 cando se traslade a Casa Consistorial
ao antigo edificio, suplantando totalmente o antigo hospital e derribando a
antiga capilla.
Antigo Concello 1934 |
Na actualidade
Incluido no
Inventario de Bens de Interese Cultural da Xunta de Galicia, na actualidad
acolle as dependencias da Oficina Municipal de Rehabilitación e o Arquivo
Municipal. No ano 2014 realizouse unha gran remodelación da fachada, cambiando
considerablemente o seu aspecto e quitando elementos añadidos ao longo dos anos
como cadros eléctricos, alumbrado público e cableado de telefonía.
Bibliografía
- Anuario Cultural do Concello de Neda nº13 (2010) http://studylib.es/doc/8633877/descargar---concello-de-neda
- La hospitalidad en el Camino Inglés (José Raimundo Núñez-Varela y Lendoiro, Manuel Pérez Grueiro, Ana López Brey: http://www.cronistadebetanzos.com/wp-content/uploads/2012/08/xacobeo.pdf
- Los hospitales de peregrinos: de Ferrol a Santiago (María A.González Bonome) : http://ruc.udc.es/dspace/bitstream/handle/2183/8708/CC39art14ocr.pdf?sequence=1
Comentarios
Publicar un comentario